Unnur í London

2006-11-24T17:36:00.000Z

Held það sé nú alveg kominn tími í að rita nokkrar línur..... Skil ekki hvað það hefur tekið mig langann tíma. Kannski bara leti!!

Það er nú mikið búið að vera um að vera hér frá því í síðustu færslu. Búin að hitta marga sem hafa komið til Lundúna, m.a. Hrönn og Binna, Frikka og Sjönu og Sverri og Rannveigu. Við höfum því gert marg skemmtilegt síðustu vikur svo sem; Portobello, Camden, Borough Market og svo að sjálfsögðu í Covent og Oxford. Síðustu vikur hafa því verið mikið út að borða og ótrúlegt en satt var okkur báðum farið að langa í eitthvað létt. Þessi vika hefur því verið mjög einhæf hvað kvöldmat varðar, kerloggs og beyglur.

Annars hafa virku dagarnir bara sinn vanagang = vinna og skóli. Þar sem er að styttast í skólalok hjá mér er mikið að gera og er ég að klára ýmis verkefni.

Það er enþá frekar hlýtt hérna hjá okkur núna, reyndar hefur veðrið verið einsog jójó ýmist heitt eða ískalt og svo rigning þess á milli.

Aldrei að vita nema ég bloggi eitthvað eftir helgi, stefnan er að kíkja í bæinn og fara í smá jólastúss......

2006-11-03T11:59:00.000Z

Greinilegt að veturinn er að koma í heimsókn til okkar.... brrrrr. Orðið alveg ískalt. Þurfum að fara að þurrka rykið af húfum, treflum og vettlingum. Aldrei að vita nema ég kaupi mér bara 1 stk úlpu, meika varla veturinn í þunnum jakka enn eina ferðina.

2006-10-30T18:12:00.000Z

Jæja, þá erum við komin aftur út og gekk ferðalagið bara vel. Það er nú aðeins hlýrra hér en heima, um 16 sitga hiti.

Annars var alveg æðislegt að koma heim og hitta alla, ótrúlegt alveg hvað tíminn líður hratt. En hægt er að segja að vikan hafi verið vel skipulögð og gerðum við margt skemmtilegt. Alltaf gaman að hitta fjölskyldu og vini. Við vorum mjög dugleg að kíkja í bakaríið; kjallarabolla með paprikusmurosti og kókómjólk klikkar sko ekki. Fórum svo á Mýrina, mæli sko alveg með henni!!

2006-10-18T18:33:00.000Z

Það er nóg að gera hjá okkur um helgar og eru þær hver annarri skemmtilegri..... Um síðustu helgi hittum við Hrönn og Brynjólf. Borðuðum með þeim á fimmtudagskvöldinu á "prinsessu Díönu" staðnum, mjög góður ítalskur matur. Fórum svo líka með þeim í brunch á sunnudeginum og eftir það sýndum við þeim nýju íbúðina okkar. Regína og Bjössi komu svo til okkar á laugardeginum frá Cambridge, mjög ljúft að hafa þau svona nálægt :) Það var mjög næs spjallað og hlegið..... Borðaður ostur með mjög svo GÓÐRI lykt, allavega fannst mér lyktin algjört æði!!!! Elska osta með sterkri lykt mmmm.....

Alveg ótrúlegt hvað mér finnst vikan vera fljót að líða... Ætli það sé ekki bara einum færri virkir dagar hér í Bretlandi, er alveg viss um það. Strax komin miðvikudagur, fer að styttast í að við kíkjum til landsins góða.

2006-10-12T17:18:00.000Z

tilviljun, tilviljun og tilviljun....

Í strætó í morgun tók ég eftir einni stelpu, hún var svona frekar áberandi klædd; í sebrajakka og tjullpilsi. Á leiðinni heim núna áðan, haldiði ekki að sama stelpan hafi verið í strætó!!!! Mér finnst það allavega frekar mikil tilviljun í svona stórri borg og miðað við hvað strætó gengur oft hérna :)

2006-10-10T17:49:00.000Z

Eins og sést kannski á skrifum hér, þá er skólinn hjá mér byrjaður. Það má segja að hann hafi byrjað alveg á fullu og lítur út fyrir að þessi önn verði nokkuð fjörug.

En þessi helgi var alveg gífurlega skemmtileg, þar sem mútta, Eva og Ágúst Máni kíktu til okkar í heimsókn. Þar var þetta vanalega þrætt; matarmarkaðurinn, oxford, covent ofl..... Á laugardaginn vorum við Kristinn að leika við Ágúst Mána og var dagurinn hinn skemmtilegasti. Kíktum aðeins á róló, skoðuðum litlu gosbrunnana og formúlubílinn sem stilltur var upp fyrir utan Hilton hótelið hérna rétt hjá, sló hann alveg í gegn hjá strákunum.

2006-09-28T10:24:00.000Z

Gleymdi að segja frá einu atviki í blogginu hér fyrir neðan. Þetta er alveg ótrúlegt með mig... en haldiði að það hafi ekki dúfa náð að skíta á mig á Oxfordstræti um helgina. Ég fann alltíeinu eitthvað blautt á sokknum mínum, leit niður og sá lítinn hvítann blett. Ég leit því strax upp, í von um að það væri húsþak eða eitthvað fyrir ofan. En nei nei, það var ekkert fyrir ofan mig og heiðskýr himinn.. Ég geri því ráð fyrir að þetta hafi verið dúfnaskítur. Ég held að dúfurnar hérna í London séu að leggja mig í eineilti, þar sem þetta er annað skiptið í stuttan tíma sem ég lendi í árás. Eins og var sagt við mig í fyrra skiptið, þá er þetta "good luck". Geri því bara ráð fyrir að ég verði alveg ROSALEGA heppin þennann veturinn :)

2006-09-26T13:20:00.000Z

Enn og aftur helgarblogg hjá mér.
Helgin var alveg æðislega skemmtileg hjá okkur, ekki leiðinlegt að fá svona góða gesti eins og Ólafíu og Halldór. Þau komu á fimmdudagskvöld og fóru svo á sunnudeginum og það var sko mikið gert á þessum tíma. Á föstudeginum var farin menningarferð á Oxford street, kíkt í búðir og borðað á alveg æðislegum stað í hádeginu. Staðurinn var ítalskur og er staðsettur á “leynitorginu”, fæ alveg vatn í munninn þegar ég hugsa um hann... nammi nammi namm..... Um kvöldið fórum við Ólafía svo á mamma mía.. Sem var alveg þvílíkt skemmtilegt, mikið stuð. Á endanum voru allir staðnir upp, farnir að dansa og syngja með. Mig langar sko pottþétt að sjá þetta aftur!!! Hver vill með???
Á laugardaginn sýndum við þeim svo matarmarkaðinn sí vinsæla, fengum okkur gríska vefju og Kiddi fékk sér bratwurst (hún er í miklu uppáhaldi hjá honum, mér finnst hún hinsvegar ekkert líta neitt sérlega vel út). Eftir að hafa keypt þetta venjulega; sinnep, brauð og bökur þá settumst við niður og fengum okkur besta kaffið sem til er hér í London og brownies. Um kvöldið borðuðum við svo á stað sem er hérna rétt hjá sem heitir village east,
http://www.squaremeal.co.uk/restaurants/london/display.php?Rest_ID=83972 hér er hægt að lesa smá dóma um hann. Sunnudagurinn var svo tekinn snemma, byrjuðum á að rölta upp að London Tower og skoða þar í kring. Á leiðinni þangað mættum við svo hundruðum górilla, hlaupandi yfir Tower Bridge. Ferlega fyndið... Komumst svo að því seinna að þetta var górilluhlaupið mikla. Svo var haldið niður í bæ, þar sem m.a var aðeins kíkt á Carneby Street.

Enn og aftur er ný vika byrjuð með sömu rútínu, Kristinn að vinna og ég heima að reyna að klára þessi verkefni. Svo styttist nú í að skólinn byrji hjá mér, næsta mánudag, er nú bara farin að hlakka pínu til......

2006-09-18T09:36:00.000Z

Helgin var bara hin skemmtilegasta hjá okkur. Byrjuðum laugardaginn á því að fara á Matarmarkaðinn, að venju, eftir það kíktum við svo á "Thames Festival". Hátíð sem var meðfram ánni frá Tower Bridge að Westminister. Maður mætti allskyns skemmtiatriðum frá götuleikhúsi, svo voru allskyns básar að selja bæði mat og allskyns glyngur. Áður en maður vissi vorum við komin allaleiðina í covent, við röltum því aðeins þar um. Borðuðum svo kvöldmat þar á mexikönskum stað, café pasifico, rosa góður.. mmm......
Annars er bara ný vika að byrja, Kristinn farinn að vinna og ég að vinna í verkefnum.

2006-09-12T17:18:00.000Z

Byrjaði á námskeiði í gær sem heitir "Organic forms in jewellery", held það eigi bara eftir að koma mér að góðum notum þar sem ég er að læra fullt af nýjum aðferðum :) Verð á því út vikuna og eftir það tekur svo við heimalærdóm!! Á að skrifa ritgerð, teikna 30 skissur og hanna trúlofunarhringi.....

Annars segi ég það sama og Regína vinkona mín, ótrúlega fúllt að geta ekki fylgst með Magna í kvöld í beinni. Efast ekki um að það sé þvílík stemming heima..... ætli flestir Íslendingar kjósi ekki nokkrum sinnum :)

2006-09-11T20:04:00.000Z

Komum heim frá Mallorca í gær eftir alveg æðislegt frí. Þetta var algjör lúxus, vorum á fjögura stjörnu hóteli sem var alveg sjúklega flott. Ég hef aldrei séð jafn vel útilátið morgunverðarhlaðborð, alveg örugglega 30 metrar á lengd.. (ég er ekki að ýkja). Við byrjuðum semsagt daginn snemma og lágum svo við laugina allan daginn!! Enda erum við alveg rosalega brún, verst að engin getur séð það :) Kvöldin voru frekar róleg hjá okkur, þar sem við röltum aðeins um hverfið og fengum okkur eitthvað snarl. Okkur fannst þetta svona ekta túristastaður þar sem allt var krökt í Bretum og Þýskurum, þess má geta að einmitt fyrsti staðurinn sem við borðuðum á hét Dutchie (föttuðum það samt bara eftir á). Seinasta kvöldið okkar mátti svo sjá marga Spánverja, þar sem þeir voru að halda upp á upptöku kaþólskrar trúar. Var því mikil hátíð í gangi og allir klæddu þeir sig upp í allskyns búninga og þömmuðu meðfram ströndinni, margir með trommur.

2006-09-02T14:34:00.000Z

Jæja þá er komið að því...... Við erum að fara til Mallorca!!! Förum í fyrramálið og verðum í viku. Þetta verður algjör afslöppun hjá okkur, ætli við liggjum ekki flatmaga við sundlaugina allann tímann... sweeeeet :)

2006-08-30T14:22:00.000Z

Jæja þá erum við komin aftur út. Nýja íbúðin lítur bara mjög vel út og erum við svona nokkurn veginn búin að koma okkur fyrir.

Helgin hjá okkur var alveg æðislega skemmtileg, vægast sagt. Gústi frændi og Anna kíktu til okkar í heimsókn.
Við byrjuðum á því á að fara með þau á Nando’s kjúklingastaðinn, Gústi er alveg óður í hann. Eftir það röltum við aðeins um hverfið og kíktum að sjálfsögðu inn á nokkra pöbba, svona til að svala þorstanum eftir mikið labb.
Byrjuðum svo laugardaginn á því að fara á matarmarkaðinn, þar sem þess má geta að dúfa náði að skíta á mig..... á hreinar gallabuxur!!! Ég held að allir nærstaddir hafi orðið þess varir, en nokkrar stúlkur bentu okkur á að þetta væri “good luck”. En að sjálfsögðu gat ég skemmt þeim sem með mér voru með þessu atviki. Eftir að vera komin í nýjar buxur skruppum við í covent, þar sem við náðum að kíkja aðeins í búðir. Um kvöldið fórum við svo á veitingastað sem heitir cocoon. Æðiselga flottur staður. www.cocoon-restaurants.com .
Sunnudagurinn var svo bara tekinn rólega, kíkt í búðir og borðað á wagamama um kvöldið. Á mánudaginn tókum við svo RISA stórann göngutúr. Skoðuðum chelsea og Notting Hill, reyndar fengum við vægt sjokk á leiðinni til Notting Hill. Tókum lestina og þegar við vorum komin á leiðarenda, tók þvílík mannmergð á móti okkur á stöðinni sjálfri. Fullt af löggum voru þarna sem sagði við fólkið að drífa sig út!!! Við vissum ekki hvað var í gangi og löbbuðum mjög hratt áleiðis. Svo þegar upp úr göngunum var komið tók þvílíkt mannhaf á móti okkur, við spurðum eina lögguna hvað væri eiginlega í gangi. Hann tilkynnti okkur það að þetta væri eini dagurinn á ári sem forðast ætti Notting Hill, ef skoða ætti hverfið. Það væri carnival!! Við forðum okkur þaðan hið snatrasta. Um kvöldið borðuðum við svo á busaba. Hjónin fóru svo heim í gær og er ekki hægt að neita því að það er orðið svolítið tómlegt hérna hjá okkur...... Við söknum þeirra mikið svo má bæta við að Gústi er mjög fljótur að hlaupa.

2006-06-17T12:37:00.000Z

Hæ hó og jbbí jei jibbí jei, það er kominn 17. júní....
Til hamingju með daginn Íslendingar nær og fjær :)

Við höldum daginn hátíðlegan hér í London, því miður förum við ekki í neina skrúðgöngu en við ætlum að fara og á hátíð Íslendingafélagsins. Messan byrjar klukkan 2 og svo verður einhver skemmtun á eftir. Erum búin að frétta að hægt verður að kaupa íslenskt nammi og svona nammi nammi namm....

2006-06-15T16:02:00.000Z

Jæja þá er maður komin heim úr fjöruferð.... Við fundum ýmislegt; skeljar, steina, bein, nagla, skrúfur og allskonar dótarí. Þetta var nú frekar skítug fjöruferð, ekki eins og við erum vön heima. Kennarinn dreifði einnota hönskum á línuna, þar sem það leynist örugglega allskonar bakteríur þarna og mjög líklega ekki langt í næstu rotttu!! Eftir að vera búin að grafa eftir gersemum fórum við svo í “picknic” fyrir utan Tate Modern og skoðuðum allt draslið. Það er samt alveg ótrúlegt hvað ég næ alltaf að brenna, sama á hvaða strönd ég fer.

Annars er það bara rólegt kvöld hjá mér, þar sem Kiddi er að fara í partý. Í partýinu verður víst Jon Bon Jovi að skemmta gestum!! Ekki leiðinlegt það, hefði sko alveg verið til í að fara með......

2006-06-13T10:48:00.000Z

Það er nú búin að vera meiri steikin hérna!!! Það átti víst að ná toppnum í gær, sem það gerði og var um 28 stiga hiti. Er ekki frá því að ég hafi fengið nettann sólsting.

Það eru eiginlega 3 verkefni í gangi núna í skólanum sem eru öll mjög ólík. Links er hópverkefni þar sem hópurinn með bestu hugmyndina vinnur og fer þá sá hlutur í framleiðslu og verður svo seldur hjá þeim undir þeirra merki. Svo er “personal project” þar sem við eigum að skila skýrslu og teikningum um hvað við viljum gera á næstu önn. Í þriðja verkefninu eigum við svo að vinna með hluti sem við finnum í náttúrunni og búa til skartgrip. Förum einmitt í “mud-larking” meðfram thames næsta fimmtudag. Það verður örugglega mjög skemmtilegt, aðalatriðið að vera í góðum skóm og með gúmmíhanska, þar sem þetta er nú ekki hreinasta á í heimi :)

Á fimmtudaginn síðasta fór Kristinn að keyra formúlu bíla og var það víst geðveiiiikt....

Annars erum við bara búin að hafa það huggulegt um helgina. Það snýst svona mestmegnis um HM.... En annars eru Englendingarnir náttúrulega löngu búnir að undirbúa sig undir þetta þar sem annar hver bíll flaggar enska fánanum, búið að setja allar auglýsingar í fótboltabúning, sama hvað er verið að auglýsa, allir pubbar að reyna að lokka karlana inn með fótboltaþema í gangi og fleira í þeim dúr. Það mun semsagt allt snúast um þennan viðburð næsta mánuðinn....

2006-06-02T17:45:00.000Z

Ég var ekkert smá glöð í gær þegar ég uppgötvaði nýja leið til að fara í skólann. Svona til að byrja á verð ég að segja að fyrst þegar við komum hingað tók ég alltaf lestina, byrjaði á því að labba rúmar 10 mín út á lestarstöð þar sem ég þurfti að taka 2 lestir. Það ferðalag tók cirka 35 mín. Svo eftir að ég kom aftur hingað út eftir páska þá ákvað ég að breyta svolítið til og fara að taka strætó, þar sem stoppustöðin er hérna beint fyrir utan. Reyndar voru það 2 strætóar og tók yfirleitt um klukkutíma að koma mér niðureftir. Mér fannst það í lagi þar sem ég slapp við allt labbið. En svo í gær þegar ég var að fara í skólann tók ég eftir strætó númer 188 og viti menn hann stoppar hérna beint fyrir utan...... Þannig ég hoppaði upp í hann og skilaði hann mér beinustu leið heim!!!! Tók það ferðalag ekki nema rúmlegar 20 mín. Ég varð bæði mjög glöð yfir þessari samgönguleið en líka pínu pirruð að hafa ekki uppgötvað hana fyrr.

Bretar þekktir fyrir að vera með svona sérkennileg og stór nef. Í gær sá ég stærsta nef sem ég hef á ævi minni séð!!! Við erum að tala um andlit á nefi. Fyrir utan það að vera svakalega stórt þá var það líka eldrautt með hvítum dílum á. Var þetta miðaldra karlmaður á nefinu :) Varð bara að segja frá þessu þar sem ég er mikið búin að vera að hugsa um þetta fyrirbæri. Ætla rétt að vona að nefið á Kidda verði ekki svona þegar hann nálgast fimmtugt.

En helgin framundan og vonandi eitthvað smá sólskin. Góða helgi allirsaman.

2006-05-25T15:29:00.000Z

Þá erum við komin aftur heim eftir æðislega helgi í Kolding. Á föstudagskvöldinu fórum við út að borða á Lucca og pöbbarölt á meðan strákarnir voru heima með pössun. Á laugardeginum röltum við um miðbæ Kolding og skoðuðum okkur um. Um kvöldið eldaði Gústi svo frábæran mexíkanskan mat, þar sem við borðuðum á okkur gat, og horfðum á eurovision. Alveg glatað að Sylvía Nótt hafi ekki komist áfram, mér fannst hún standa sig frábærlega í undanúrslitunum. Þrátt fyrir “púið” í áhorfendum, ekki amalegt að taka golden shower í beinni. Á sunnudeginum fórum við svo í brunch, fengum okkur egg, beikon og fleira í þeim dúr og svo kom pönnsa með sýrópi.. mmmmm...... ótrúlega gott!!! Vorum hátt í þrjá tíma að borða og þess má geta að Tommi og Einsi voru ekkert smá stilltir. Eftir matinn fórum við svo í 2 tíma göngutúr, ekki veitti af eftir allann þennann mat :) Við skoðuðum gömul íbúðina þeirra, Maríulund og Legeparken. Um kvöldið voru svo Kashmir tónleikar og aðsjálfsögðu skelltum við okkur, Hreiðar, Gunna og litla prinsessan sáu um að passa strákana. Tónleikarnir voru alveg geðveikir!!!!

Flugferðin heim var ekki alveg eins skemmtileg... Flug sem átti að taka 1 klukkutíma tók 2 og hálfan!!! Við þurftum að koma við í Malmö og skila af okkur varahlutum og vélavirkjum, en nú get ég sagt að ég hafi komið til Svíþjóðar :)

En koss og knús fá Gústi, Anna, Tommi og Einsi fyrir æðiselga helgi og frábæra gestrisni. Takk fyrir okkur.

2006-05-17T21:31:00.000Z

Hæ Unnur hérna enn og aftur, í dag var mikið að gera í CSM þ.e.a.s. matið ''critið'' var í allan dag þar sem við settum upp bæði verkefnin upp. Verkefnin voru me, myself og svo þetta 25 hluta design og smíði. Þetta var einskonar sýning þar sem við settum upp verkefnin og svo héldum við kynningu um okkar eigin hluti, þar sem mér gekk mjög vel, á morgun er svo viðtal við kennarann um sömu verkefni, mammamía það verður stress.

Harpa og Andri eru hér í Londres og við hittum þau í gær á Busaba, það virðist vera að við förum með alla þá sem við þekkjum á þennan stað og erum ekkert að hætta því, svo fórum við í covent og settumst á nýjan stað sem heitir Verva, hann er frekar flottur. By the way ætluðum við ekki að vera svona lengi úti í gær og tók það nokkrn tíma að koma sér afstað í morgun en allt gekk eftir á endanum. Í kvöld komu Harpa og Andri svo heim til okkar á Tower Bridge til þess að horfa á Barca vs. Arsenik, þar sem okkar lið hafði betur á móti Andra. Annars mælum við með Hörpu og Andra þau eru afar hressandi fólk.

2006-05-16T14:28:00.000Z

Næstu helgi ætlum við að skella okkur til Kolding, kíkja á Gústa, Önnu og strákana. Vá hvað mig hlakkar til!!!! Það verður bara gaman....

Er samt þessa dagana að undirbúa matið á miðvikudaginn fyrir síðustu 2 verkefni, svo á fimmtudaginn er mat fyrir öll verkefni sem ég hef verið að gera.
En í síðustu viku var hann Þröstur staddur hér í London, náðum við að gera margt skemmtilegt með honum. Hann fékk að nota dýnurnar okkar síðustu nóttina, honum fannst þær bara ágætar...... hver ætli noti þær næst???? Hmm......

Það verður spennandi að sjá á fimmtudaginn hvernig hún Sylvía Nótt mun standa sig, allavega ætlum við að fylgjast með og kjósa hana :)

En frábær árangur hjá Petrínu og Hlín, þær komust báðar inn í LHÍ í fatahönnun :) Alveg æðislegt!!! TIL HAMINGJU stelpur......

2006-05-09T13:09:00.000Z

Jæja held það sé alveg komin tími á að skrifa nokkrar línur....
Best að ég byrji bara á því að segja frá þarsíðustu helgi, en þá voru Hrabbi og kærasta hans Rakel stödd hér í London. Við fórum m.a. með þeim á söngleikinn “We Will Rock You”, sem var alveg æðislegur. Rosalegt stuð, enda klikka Queen lögin aldrei :) Eftir söngleikinn fórum við svo út að borða á stað sem heitir Floridita, þar hélt fjörið áfram. Þetta er svona salsa staður með “live” tónlist, salsatónlist. Eftir það héldum við svo á skemmtistað sem heitir “pangea”. Annað skiptið mitt þar, fór líka þangað þegar vinkonur mínar komu í heimsókn.

Í síðustu viku var svo Brynjólfur staddur hér og fórum við með honum á Nandos, kjúklingastaður sem ég held að allir sem hafa kíkt til okkar hafa farið á :) Okkur finnst hann soldið góður!!!!

Um þessa helgi hitttum við svo Val á föstudagskvöldið og fögnuðum með honum próflokum. Fórum á japanskann stað sem var rosa góður, strákarnir fengu sér sushi og ég kjúlla. Á lagardaginn var okkur svo boðið í mat til Magga , Tinnu og litla Arngríms. Vorum að sjá prinsinn þeirra í fyrsta skipti, er 3 vikna, hann er algjört æði. Þvílík rúsína!!!!

Að sjálfsögðu förum við svo á matarmarkaðinn á lagardaginn og keyptum smá í matinn, það er orðinn fastur liður hjá okkur að kíkja þangað. Æðislegt að skoða þar, er reyndar alltaf að bíða eftir smá innblástri að fara að elda eitthvað gott, ég er enn að bíða.....
Á sunnduaginn ætluðum við svo á blómamarkað og Brick Lane, misstum því miður af blómamarkaðnum því hann lokar klukkan 2. Hverjum dettur í hug að loka svona snemma, ég bara skil það ekki!!!! Röltum því aðeins á Brick Lane, svona markaðsstemming þar. Reyndar fannst okkur svoldið skrítið og subbulegt fólk þar, þannig við drifum okkur bara í Camden. Ef ykkur finnst skrítið fólk þar þá ættuð þið að kíkja á Brick Lane :)

Annars er nóg að gera í skólanum hjá mér þessa vikuna, eigum að hanna og búa til 25 skartgripi á einungis 4 dögum!!!! Allir verða þeir að vera mismunandi, þ.e.a.s enginn einn eins........

2006-04-27T13:34:00.000Z

Ég verð nú að segja ykkur að ég labbaði í skólann í gær :) Veðrið var svo æðislegt að mér fannst synd að fara í lestina, það voru nokkur ský á himni og um 15 stiga hiti. Ætla að reyna að labba regglulega, tók tæpan klukkutíma, held það sé bara ágætis æfing!!!

Annars er ég núna að reyna að "brainstorma" hvernig ég eigi að útfæra næsta verkefni, hmmm...... það hlýtur nú að fara koma að því að ég detti inn á góða hugmynd. Vona það allavega..........

2006-04-25T12:19:00.000Z

Jæja þá er maður komin aftur til London. Ferðalagið í gær gekk bara mjög vel þrátt fyrir mikið kvef sem ég náði að næla mér í á Íslandi. Skólinn hjá mér byrjaði í gær, þar sem okkur var afhent næsta verkefni. Fáum ekki stundaskrána fyrir þessa önn og einkuninna fyrir síðustu önn fyrr en í vikulok. Verkefnið sem við eigum að vinna að núna er mjög frjálst, við eigum að afhenda einn hlut sem lýsir okkur sem skartgripahönnuð.

Það er greinilega farið að vora hérna, allt orðið grænt og fallegt. Reyndar er smá rigning núna en miklu hlýrra en áður. Ég bíð spennt eftir að sólin og hitinn komi, held að það sé ekki langt í það :)

fashion project

2006-04-06T20:37:00.000Z

london, parís, munchen 100
Originally uploaded by unnureiruk.

Ákvað að blogga líka síðasta verkfenið í skólanum. Áttum að velja eitt tískumerki sem við áttum svo að hanna 5 hluti fyrir, ég valdi D&G. Hlutirnir eru úr silfri sem ég gerði hvítt, leðurlíki og ferskvatnsperlum. Veit ekki hvort þið sjáið að silfrið er prentað með munstri, notaði ákveðna leðurtýpu til að gera það. Ég gerði 2 armbönd, tvo hringi og eitt hálsmen.

2 hringir

2006-04-06T20:28:00.000Z

london, parís, munchen 112
Originally uploaded by unnureiruk.

Allir hlutirnir sem ég gerði

2006-04-06T20:27:00.000Z

london, parís, munchen 122
Originally uploaded by unnureiruk.

Hérna kemur svo öll línan, fimm hlutir.

2006-04-05T11:19:00.000Z

Mamma og Pabbi voru að yfirgefa okkur, eru á leiðinni heim til Íslands eftir rúmlega vikudvöl.
Sýningin í Basel gekk bara mjög vel og mikið keypt þar. Á sýningunni var okkur tekið með virtum þar sem við erum nú fastagestir og meðal annars tók fréttaritari Basel Daily viðtal við okkur og skellti mynd af mér og mömmu í blaðið, í greininni fylgir ekki að pabbi var vísað út úr uppstillingunni af ljósmyndaranum. Á meðan við vorum í Basel var Kristinn á Íslandi og kom til baka með flensuna sem gengur heima. Ég hélt nú fyrst að hann væri bara þunnur eftir mikið djamm, en svo reyndist ekki vera.....

Það var mikið skoðað hér í London annað en búðirnar, við kíktum í Design Museum, Tate Modern safnið og Shakespear's Globe. Allt er þetta í göngufæri frá okkur.
Við skoðuðum líka í Westminister, Big Ben var á sínum stað, fórum svo inn í Westminister Abbey, vorum c.a. 2 tíma að skoða allt þar inni. Eftir rölt um í Hyde Park héldum við svo í Harrods að skoða dýru merkin, því miður keyptum við ekkert þar. En pabbi tók mynd af mér og mömmu við minnisvarða Díönu prinsessu og Dodi Al Fayed.
Síðustu dagar hafa semsagt verið alveg æðislegir í félagsskap mömmu og pabba og öll lærðum við mikilvæga lexíu... það er að fara aldrei aftur inn á Garfunkels, nema þegar Gústi kemur í heimsókn.

Annars ákvað ég áðan að fara út að hlaupa, ekkert smá dugleg. Hljóp meðfram Thames. Varð nú að fara að taka mig á í þessu hreyfingarleysi og leti......

trúlofunarhringurinn

2006-04-03T19:57:00.000Z

hringur 001
Originally uploaded by unnureiruk.

Þetta er trúlofunarhringurinn sem var fyrsta verkefnið í skólanum. Hann er úr silfri með 2 mismunandi steinum, hvítum og bleikum.

horft inn í stofu

2006-03-26T19:52:00.000Z

horft inn í stofu
Originally uploaded by unnureiruk.

Þar sem Inga vinkona mín var að kenna mér að blogga myndir, ákvað ég að skella nokkrum inná af íbúðinni. Takk kærlega fyrir hjálpina Inga..... :)

hroft inn í eldhús/stofu

2006-03-26T19:50:00.000Z

hroft inn í eldhús/stofu
Originally uploaded by unnureiruk.

eldhús/borðkrókur

2006-03-26T19:49:00.000Z

eldhús/borðkrókur
Originally uploaded by unnureiruk.

2006-03-25T15:37:00.000Z

Nú er þessi önn í skólanum búin ég komin í frí. Skólinn endaði með tískusýningu, sem við á öðru ári héldum. Hún heppnaðist rosalega vel... þó ég segi sjálf frá. Allir voru rosalega ánægðir með þessi frumlegheit frá okkur, þetta er í fyrsta skipti sem annað árið heldur tískusýningu. Deildarstjórin kom og fannst henni þetta æðislegt og sagði hún að þetta væri góð hugmynd þar sem skartgripir líta allt öðruvísi út á módelum heldur en í sýningarkassa.

Annars vorum við að koma heim af matarmarkaðnum þar sem við keyptum fullt af góðgæti. Í kvöld er svo Atli að koma til okkar og ætlum við út að borða á stað hér í nágreninu.

Mamma og pabbi eru svo væntanleg til okkar á mánudaginn og fer ég svo með þeim á sýningu í Basel. Ég er svo væntanlega á klakan 9. apríl.

2006-03-18T20:32:00.000Z

Var sagður brandari/gáta í gær:

"what room has no walls"?

2006-03-13T18:12:00.000Z

Loksins loksins hætt að rigna!! Það er búið að rigna meira og minna alla síðustu viku.
Helgin var frekar róleg hjá okkur, Kristinn lá upp í sófa alla helgina á meðan ég var kósveitt í að klára verkefnið fyrir skólann. Eina sem við gerðum var að fara á matarmarkaðinn og svo hittum við Val og Arndísi á laugardagskvöldið. Borðuðum með þeim á jazz pizza express, var það mjög gaman.

2006-03-09T21:18:00.000Z

Það er nú alveg komin tími til að ég riti eitthvað niður.... Það er allavega hægt að segja að það sé búið að vera nóg að gera.

Vinkonur mínar komu í heimsókn síðustu helgi og var ROSALEGA gaman hjá okkur. Ætli það sé ekki best að ég skrifi í grófum dráttum hvað við gerðum.

Shoppað á Oxford og í Covent
Út að borða á busaba
Klappstýrudans
Madame Tussauds
Út að borða á Hakkasan
Pangea- klúbbur
Camden markaður
Hittum Gústa frænda og Hreiðar
Út að borða á Nandos

Það var sérstaklega gaman í klappstýrudansinum, látnar dansa með dúska og syngja eins og klappstýrurnar gera. hihihhhi..... Aldrei að vita nema maður skelli sér þangað aftur og prófi bara einhvern annarskonar dans. :)

Annars er búið að vera nóg að gera í skólanum, er svona farin að sjá fyrir endan á verkefninu sem ég er að vinnna í. Síðasti dagurinn á verkstæðinu er á morgun og er "critið" á mánudaginn.

2006-02-28T10:19:00.000Z

Jæja þá erum við komin heim frá París. Fórum á miðvikudaginn með eurostar, rosalega fínt að ferðast með henni. Byrjuðum á því að fara á Depech Mode tónleika sem voru um kvöldið og voru þeir vægast sagt geðveikir. Þvílík stemming. Vorum svo heppin að finna strax sæti þegar við mættum í höllina, því leið og við settumst slökknuðu ljósin og upphitunarhljómsveitin byrjaði að spila. Á fimmtudeginum fórum við í latínuhverfið, röltum þar aðeins um og um kvöldið borðuðum við á "grænu sósunni". Vorum að vísu svoldið lengi að finnna hann aftur en viltumst á hann eftir svolítið labb. Á föstudeginum fórum við og skoðuðum "hvítu kirkjuna" sacre hör og skoðuðum okkur um í rauða hverfinu og um kvöldið borðuðum við á buddah bar. Rosa góður matur og svakalega flott þar inni. Ferðasagan í hnotskurn.

En pabbi kíkti aðeins á okkur í gær, hann er hérna úti með ksí og er að fara á landsleikinn í kvöld. Hann bauð okkur með og í dinner á undan. ÁFRAM ÍSLAND!!!

2006-02-21T14:33:00.000Z

Komin heim frá Munchen, svoldið skrítið að segja þetta þar sem "heim" er ekki Ísland heldur London.....

Ég skemmti mér rosalega vel í Munchen, var svolítið stressuð að fara þar sem ég þekki nú ekki marga. En ég kynntist þeim betur í þessari ferð og man flest nöfnin :) Var í herbergi á hostelinu með þremur öðrum stelpum, það var nú ekki mjög traustvekjandi að mæta á hostelið. Það voru fjórar stelpur sem við mættum og þær sögðust engann veginn geta verið þarna. "Klósettin ógeðsleg, klósettin ógeðsleg" sögðu þær endalaust. Við spurðum hvort þau væru svona skítug, en þær vildu nú ekki meina það. Við vorum bara rosa ánægðar með að það væri klósett og sturta inn á herberginu, var nefnilega búið að vara okkur við að við þyrftum öll að nota sameinginlega aðstöðu. Herbergið minnti nú helst á fangaklefa en sem betur fer var það mjög hreint, allavega á yfirborðinu. Spurning hvort það hafi verið einhverjar pöddur í rúminu mínu, þar sem ég er með tvö skordýrabit. Klæjar rosalega...... En svo ég haldi áfram að tala um stelpurnar sem flúðu, þá komumst við að því hver ástæðan var. Málið er að þetta var áður fyrr geðsjúkrahús og samkvæmt þeirra trú þá er það slæmur fyrirboði að sofa þarna. Þær eru frá Tælandi eða japan eða kína man ekki alveg..... Endaði með að þær fluttu sig á hótel við hliðina, sem kostaði 150 evrur nóttin og þurftu þær einnig að borga hostelið, þar sem búið var að bóka það fyrir þær. Hostelið kostað 25 evrur nóttin. Ekki slæmt það.

En við eyddum laugardeginum og sunnudeginum á sýningunni og kvöldin voru bara frekar róleg. Fórum út að borða í nágreninu og á sunnudagskvöldið fórum við á ekta þýskan pub. Hann var risa stór, þar sem þýsk þjóðlög voru spiluð af gömlum mönnum sem klæddust "lederhausen" . Bjórglösin voru risastór, 1,01 líter, það var mikil stemming þarna og allt troðfullt af túristum eins og okkur. Var alveg uppgefin í gær eftir þetta ferðalag. Talaði mikið upp úr svefni og á ensku í þokkabót !! Kannski ekki skrítið þar sem enska var töluð alla helgina, fyrirutan símtöl við Kristinn og mömmu.

En þá er það bara að byrja að undirbúa næsta ferðalag. Paris. Við hjúin förum í fyrramálið með lestinni og komum tilbaka á laugardaginn. Mætum beint í þorrablót Íslendingafélagsins sem er um kvöldið.

Munchen

2006-02-16T18:28:00.000Z

Þá er það Munchen á morgun. Þarf að fara að byrja að pakka, er bara ekki að nenna því :( Vélin fer í loftið um hálf tíu og kem ég svo heim aftur á mánudaginn. Þið sem ekki vitið þá er þetta skólaferð á skartgripasýningu, það fara eitthvað um 50 nemendur.

2006-02-15T22:48:00.000Z

Var búin að gleyma því að Magndís klukkaði mig

4 uppáhalds sjónvarpsþættir
friends
sex and the city
friends
My name is Earl

4 kvikmyndir sem ég get horft á aftur og aftur
In the name of the father
Bruce Almighty
Pretty Woman
svo verð ég líka að segja Sound of Music

4 heimasíður sem ég heimsækji daglega
ákveðnir bloggarar
mbl.is
bankinn minn
meilið mitt

4 uppáhalds máltíðir
pizza
borgari á búllunni
kjúlli er líka alltaf góður
og reyndar allur jólamatur líka

4 geisladiskar sem ég get hlustað á aftur og aftur
allir diskar með U2
coldplay
Keane
Damien Rais, hvernig sem þetta nafn er nú skrifað

Svo þarf ég víst að klukka einhvern líka, hmmmmm......
Unnur Ylfa
Hildur frænka
Petrína
Magga

2006-02-14T11:15:00.000Z

Helgin var í allastaði æðisleg. Mamma og Eva voru í heimsókn hjá okkur, við löbbuðum gjörsamlega af okkur fæturna. Veit samt ekki hvort ég hafi fengið hælsærin af öllu labbinu eða hlaupinu á eftir Kidda í vinnuna. "Labbaði" með honum í vinnuna í gær, vegna verkefnis sem ég þurfti að skila. Get svo svarið það að ég þurfti að hlaupa á eftir honum, hann er komin í þvílíkt labbform :) Á fimmtudagskvöldið fórum við öllsaman á "The Rat Pack" söngleik þar sem Frank Sinatra, Sammy Davis og Dean Martin taka smellina sína og reita gjörsamlega af sér brandarana. Á laugardagskvöldið fórum við svo á rosalega flottan veitingastað sem heitir The Sketch, hann er í rauninni safn líka. www.sketch.uk.com.

Nú er fyrsta verkefnið í skólanum búið og næsta að byrja. Leist svoldið vel á næsta verkefni, fáum að velja okkur einn hönnuð sem við eigum að hanna línu fyrir. Eigum að skila fimm skartgripum. Núna er bara rannsóknarvinna um tískustrauma, ekki leiðinlegt það :) Á föstudaginn fer skólinn svo til Munchen á skartgripasýningu og þurfum við að gera verkefni þar. Gistum á farfuglaheimili og verðum fram á mánudag.

2006-02-06T16:39:00.000Z

halló allir saman....

Núna er bara beðið eftir að mamma og Eva komi í heimsókn, þær koma á miðvikudaginn og verða fram á sunnudag. Eitt og annað planað m.a. ætlum við á söngleik, kíkjum örugglega á söfn, ætlum til Birmingham á skartgripasýningu og svo verður að sjálfsögðu eitthvað kíkt í búðir.....

Skólinn gengur bara vel og er ég farin að kynnast krökkunum smá, margar fyndnar týpur. Ein er frá Jamaica og er nokkuð sérstök :) Alltaf syngjandi og segir í annari hverri setningu ja man, ja man. Gerir ekkert annað en að fá lánuð verkfæri hjá fólki og gleymir að skila þeim, kemur svo alltaf með þvílíkt skrítin komment. Var einmitt að tjá sig í tíma um daginn að hún ætlaði sko aldrei að gifta sig vegna ástar, einungis vegna peninganna. Svo ætlaði hún bara að skilja og hirða slatta af peningum. Þessi gella er um þrítugt og ein af 30 systkinum, á 6 alsystkini og afganginn á pabbi hennar með fullt af konum. Ótrúlega spes.... Krakkarnir í bekknum koma allstaðar að, m.a Asíu, Rússlandi, Svíþjóð, Noregi, Jamaica auðvitað og aðsjálfsögðu Bretlandi.

2006-01-28T18:05:00.000Z

jæja, ég er nú ekki búin að vera dugleg í blogginu..... Síðasta vika gekk bara sinn vanagang, skólinn hjá mér og bankinn hjá Kidda. Eyddi mestum tímanum á verkstæðinu þar sem ég var að vinna í hugmyndinni um trúlofunarhringinn. Gekk bara ágætlega með það og er ég tilbúin í að fara að vinna í loka hringnum, þarf að fara á mánudaginn að kaupa silfur og steina. Aldrei að vita nema ég splæsi á mig nokkrum verkfærum í leiðinni :)

Fórum í gærkveldi á ótrúlega kósi veitingastað/pub sem er bara hérna rétt hjá okkur. Hann heitir The Garrison public house, gæti trúað að við förum þangað fljótlega aftur. http://www.thegarrison.co.uk/ . Greinilega öll húsgögnin þarna inni keypt á antikmarkaðnum hérna fyrir utan. Við löbbum alltaf framhjá honum þegar við förum í lestina og köllum hann "stað fallega fólksins" og pössum við vel þarna inn.. muhahahahaha......

2006-01-22T23:37:00.000Z

Helgin var mjög góð í alla staði. Hrönn og Brynjólfur voru stödd hér í London ásamt vinafólki sínu Gyðu og Svenna, við hittum þau fyrst á veitingastaðnum Nobu á föstudagskvöldið og héldum upp á afmæli Ragnheiðar, mömmu Kidda. TIL HAMINGJU MEÐ AFMÆLIÐ RAGNHEIÐUR : ) Þegar við vorum að labba út af staðnum þóttust tveir hafa séð George Clooney og einn þóttist sjá mann sem var mjög líkur George Clooney, við skulum samt bara segja að þetta hafi verið hann, það er miklu skemmtilegra.

Laugardagurinn byrjaði svo á því að við Kiddi fórum á matarmarkaðinn og keyptum osta, baquette, sultu og sinnep. Tókum svo lestina á Bond street þar sem við vorum að skoða trúlofunarhringa. Ekki misskilja neitt, þetta var eingöngu skólaverkefni!!! Enda myndi mér ekki detta annað í hug en að kaupa skartgripi á neinum öðrum stað en í meba :) Hittum við svo H,B,G og S á hótelinu þeirra og buðum þeim heim til okkar. Fórum við svo öll saman á leikrit með Woody Harrelson í aðalhlutverki og út að borða á Joe Allen á eftir.

Sunnudagurinn hjá mér var mjög rólegur þar sem ég nýtti daginn í lærdóm en Kristinn fór á Chelsea leik með gaurum úr vinnunni. Tinna og Maggi buðu okkur svo í mat og spiluðum við Buzz (playstation), þar sem segja má að við skíttöpuðum :( Þurfum greinilega að fara að æfa okkur.......

En takk kærlega fyrir okkur Hrönn og Brynjólfur.

2006-01-18T22:02:00.000Z

Maður er alvega farin að finna fyrir fjöldanum sem býr hér í London. Fyrstu skiptin sem ég tók lestir þá leið mér svakalega illa þegar margir voru í lestinni og hoppaði ég þá helst út!! Í dag þegar ég fór í hana tróð ég mér svo all svaðalega að ég þurfti að beygja mig og sveigja til að hurðin lokaðist ekki á mig. Þannig er það yfir leitt hér á háannatíma. Ég hugsa oft um það að Seiko hefði nóg að gera hér þá. Fyrir þá sem vita ekki hver Seiko er, þá er það japanski skiptineminn sem var hjá okkur í fimm vikur. Hann vann við það í Tokyo að ýta fólki inn í lestarnar :)

Annars var dagurinn bara mjög venjulegur ég fór í skólann og Kiddi í bankann. Komum við á leiðinni heim í M&S og keyptum lasagne. Þvílíkt úrval af skyndilausnum við eldamenskuna þar, algjör paradís fyrir önnumkafið fólk....

2006-01-16T17:45:00.000Z

Jæja þá er fyrsti skóladagurinn búinn..... Byrjaði á að hitta alla krakkana í bekknum og fórum við í fljótheitum yfir önnina með kennaranum. Það verður greinilega nóg að gera hjá mér :) Fyrsta verkefnið er að hanna trúlofunarhring með tveim mismunandi steinum, við þurfum að skila teikningu af hlutnum, kostnaðaráætlun og síðast en ekki síst hlutnum sjálfum. Næsta verkefni er að fara á skartgripasýningu í Þýskalandi yfir eina helgi. Svo kemur tískuvika hér í London og eigum við útfrá henni að hanna 5 mismunandi skartgripi á 4 dögum!!! Önnin endar svo á tískusýningu. Mér líst rosalega vel á þetta og get ekki beðið eftir að byrja.

2006-01-14T12:38:00.000Z

Týpísk ég, var á leiðinni í skólann í gær og hoppaði þá upp í vitlausa lest. Sem betur fer hafði ég nógan tíma þannig ég mætti ekki of seint. Allir nemendur í study abroad program mættu í skólann í gær og var farið með okkur rúntur um allar stofurnar í skólanum, haldnir fyrirlestrar og svo gengið smá um london. Á mánudaginn hitti ég svo konu sem er yfir skartgripa hönnuninni og fer hún betur yfir tímanna sem ég verð í og sýnir okkur sviðið aðeins betur.

Það er ein indversk stelpa sem kom í gær sem er að fara í sama og ég, hún virkaði bara mjög vel á mig. Eftir kynningun héldum við svo á "pubinn" og kennaranir buðu fyrst umgang.....
Í gærkvöldi fórum við svo út að borða með Kaju og Alla og kíktum að sjálfsögðu á nokkra puba eftir á :)

2006-01-11T12:40:00.000Z

Í gær fór ég að athuga hvort ég rataði ekki örugglega í skólann, þar sem ég fann hann ekki síðast þegar ég kom til London. Hann er rétt hjá lestarstöðinni, ekki nema tvær mínútur að labba... Í heildina er ég svona 25 mín í skólann. Eftir það rölti ég um í covent garden og labbaði svo regent street og oxford street til baka á lestarstöðina. Þvílíkt labb... Er búin að komast að því að maður getur ekki verið í smart skóm hérna úti, heldur er það bara nikerinn.

Kláraði Arnald í gær, góð bók!

2006-01-09T12:08:00.000Z

Er að hugsa um að fara að byrja á þessu verkefni, ég bara kem mér ekki í það... Ótrúlegt en satt þá er ég búin að vera að hanga í tölvunni allt of lengi.
Kiddi byrjaði sinn "fyrsta" vinnudag hér í London í morgun, og var ég vakin upp af einhverju banki á hurðina kl 11.30. Þá var það breskur iðnaðarmaður sem vildi koma inn og laga lásinn á baðherberginu. Greyjið maðurinn hefur örugglega tekið eftir því að hann hafi verið að vekja mig og baðst endalaust afsökunar á ónæðinu :)
Hugsa að ég haldi mig bara heima í dag, það er að mér best vitandi eitthvað lestarverkfall !!!

2006-01-07T22:59:00.000Z

Dagurinn hjá okkur byrjaði rólega, fórum á matarmarkaðinn og keyptum okkur í matinn. Þvílíkt næs að rölta þarna um og skoða... Eftir það lá leið okkar á oxford þar sem versla þurfti smotterí, eingöngu nauðsynjahlutir. Það fara svo margir dagar í þetta þar sem maður hefur takmarkaða burðargetu!!! Ekki eins og heima þar sem einn dagur fer í útréttingar, maður hendir bara öllu í bílinn og keyrir svo heim.
Fengum okkur að borða niðri í bæ á veitingastað sem heitir busaba. Öðruvísi staður, mjög ódýr og góður. Það er alltaf biðröð fyrir utan (sem tekur reyndar mjög stuttan tíma) og fólk situr bara með hverjum sem er á borði, ótrúlega kósi :)

2006-01-06T21:31:00.000Z

Ótrúlegt hvað það tekur langan tíma að gera alla hluti hér. Í dag ætluðum við að fara í supermarkað sem er í göngufæri frá okkur og gera fullt af öðru, en allur dagurinn fór í supermarkaðinn. Reyndar vöknuðum við geðveikt seint líka :)

Eins gott að ég tók lopapeysuna með mér, er ekki búin að fara úr henni í dag. Það er rosa kalt!

Veit ekki alveg hitastigið en það er mjög svipað og heima, ef ekki kaldara.

Fórum út að borða áðan með Magga og Tinnu á rosa góðan pizzastað og löbbuðum með þeim um shad thames. Það hverfi er rétt hjá okkur með fullt af veitingahúsum, design safni, gallery svo eitthvað sé nefnt.

komin til London

2006-01-05T22:19:00.000Z

Jæja þá erum við komin til London, liggjum í ELDRAUÐU sófunum sem fylgdu íbúðinni og slöppum af eftir mikið labb í dag.
Eftir að við tókum við íbúðinni héldum við í lestina í næsta marks & spencer í leit að sæng og kodda. Komumst þá að því að sú búð selur bara föt og mat. Fórum þá aftur í lestina á oxford í leit að búð nokkurri sem heitir John Lewis, vorum frekar lengi að finna hana, en fundum hana að lokum. Keyptum þar fínar sængur og kodda og héldum svo heimleiðis. Fólkið í lestinni var örugglega mjög pirrað á okkur vegna mikils farangurs sem við höfðum :) (sængurnar voru í þvílíkt stórum kassa).
jæja bless í bili......

komin með blogg

2006-01-04T20:51:00.000Z

Komin með blogg.... Skrifa meira síðar :)